នៅថ្ងៃទី២៥ ខែ​វិច្ឆិកា ឆ្នាំ២០២០

នៅថ្ងៃទី២៤ ខែវិច្ឆិកា ឆ្នាំ២០២០ ធនាគារ សាខមប៊ែង ខេមបូឌា បានឧបត្ថម្ភនូវបង់អង្គុយ ជូនដល់សាលាវិទ្យាល័យព្រះស៊ីសុវត្ថិ។ តាមរយៈការឧបត្ថម្ភនេះ បានចូលរួមចំណែកធ្វើឱ្យប្រសើរឡើងនូវ សម្ភារៈក្នុងបរិវេណសាលា បង្តើតបានជាកន្លែងសម្រាប់អង្គុយកម្សាន្ត លំហែកាយសម្រាប់លោកគ្រូ អ្នកគ្រូ និងសិស្សានុសិស្ស។

ក្រៅពីមានការចូលរួមឧបត្ថម្ភបង់អង្គុយជូនដល់សាលាវិទ្យាល័យព្រះស៊ីសុវត្ថិ ធនាគារ សាខមប៊ែង ខេមបូឌា បានចូលរួមចំណែកថវិការដើម្បីគាំទ្រដល់សកម្មភាពគាំពារសង្គម ដែលមានដូចជា ការចូលរួមឧបត្ថម្ភដល់ជនរងគ្រោះដោយសារទឹកជំនន់តាមរយៈកាកបាទក្រហមកម្ពុជា និងចូលរួមឧបត្ថម្ភថវិការដើម្បីទប់ស្កាត់ការរាតត្បាតនៃជម្ងឺកូវីដ-១៩ តាមរយៈសមាគមធនាគារនៅកម្ពុជា ជាដើម។